السلام عليكم
فاكرين اللي فات؟
نكمل؟
حلقة 1:
حلقة 2:
حلقة 3:
حلقة 4:
حلقة 5:
فجأة لقيتني واقف في ...
في ايه؟!
ايه المكان دا؟
اللا مكان!
فراغ
سواد!
مافيش حاجة حوليا! .. سواد لا متناهي .. والغريب انه مش ضلمة! .. يعني شايف قدامي حدود للمكان!
لأ مش حدود!
شايف مسار
طريق من غير حدود! بس أسود!
كأني في الفضاء مثلا!
وأصوات بتتكلم حوليا .. أو يمكن في راسي
صوت: "بُص يا سيدي .. زي ماقلتلك المرة اللي فاتت"
صوت تاني: "يابني هو مش عارف ان في مرة فاتت"
صوت: "اه صحيح"
نفس الصوت: "انت دلوقتي مش عارف انت فين .. عشان أنت مش في المجرّة بتاعتك أصلا .. أنت اتنقلت عبر الآثير .. أنت مش معانا فعلياً .. انت سامعنا بس عقلك مش موجود .. ودانك بس"
الصوت التاني: "أنت بتخرف تقول ايه؟!"
الصوت: "مش هاين عليا أخلص اللعبة"
الصوت التاني: "امسح الذكريات بتاعتنا من دماغه وصحيه"
الصوت: "أوكي .. بُص يا معلم .. أنت تنسى كل حاجة ليها علاقة بينا لحد ما دخلت الفيلا هنا .. روح بيتك .. وهناك عيش طبيعي يا برنس"
وفجأة أنا في البيت!
مش فاهم أي حاجة!
معايا كيس فيه خوذة وكشاف وفلوس وسكينة!
بتوع ايه دول؟
أنا مش فاهم أي حاجة!
كل اللي أنا فاكره اني كنت عايش حياتي طبيعي جداً
لقيت قدامي اللابتوب مفتوح ومعمول: hibernate
فتحته لقيت الحلقات اللي أنا كاتبها ومش مصدق الخيال دا! .. ومش فاكر انه حصل فعلاً
بس لقيت نفسي فاكر كويس كل الأحداث اللي في الفراغ دي!
مكان أسود لا متناهي!
محادثة عجيبة مش مفهومة!
مسح ذكريات!
ايه شغل Men In Black دا؟!!
معقول كائنات فضائية والهطل دا؟!
أكيد لأ!
يمكن دا كابوس؟!
أكيد كابوس!
ساعتها ماكنتش أعرف اللي بيحصل في الفيلا!
*** ثلاث شباب يجلسون في شرفة الفيلا في الظلام ***
الأول: "أنت يا متخلف!.. قلتله ينسى كل حاجة لحد ما جيت الفيلا؟!"
التاني: "اه .. مظبتكو أنا"
التالت: "يا نهار أسود!!! .. ماخدتش بالي!"
التاني: "ايه يا جدعان في ايه؟"
التالت: "كده هو فاكر الحوار بتاع الفراغ الأسود والمجرة وان حد قال له يروّح وينسانا"
التاني (محاولاً إيجاد أي عذر): "طب كده برضه مش حايبقى عارف عننا حاجة .. الحوار دا بس ومش عارف جه هنا ازاي ولا ينسى ايه أصلاً"
الأول: "أيوة .. بس مش بعيد يتجنن بسببنا كده"
التالت: "أنا شايف أن كده أحسن حل أننا ناخده معانا .. اقتراحك الأول .. مجبرين لا أبطال"
الأول:"أنا شايف انه معانا حايفيدنا بس ماكنتش عايز ناخده واحنا مضطرين"
التالت: "ربنا كاتبهاله"
الأول: "بس نحاول على قد ما نقدر نقلل الأذية .. ومن غير ما نؤذي مراته"
التاني: "حسب استعداده للتعاون بقى"
الأول والتالت سوا: "أنت تخرس خالص"
*** دا الكلام اللي عرفته بعدين ***
كل دا بيتقال وأنا قاعد مش فاهم مالي وعندي صداع ومخي مشتت!
الجرس ضرب
قمت فتحت الباب لقيت تلاتة شباب
قالولي:"مساء الخير"
أنا: "مساء النور"
واحد منهم بص لي في عيني وقال: "احنا داخلين نتكلم معاك شوية .. وأنت حاتسمع بس"
حاولت أتكلم ماعرفتش .. بقي مش بيفتح .. سيطروا عليا تماماً .. ومشيت قدامهم بغير إرادة! .. وفجأة غبت عن الوعي .. ولقيت نفسي في الفراغ تاني!
مستنيكو الحلقة السابعة ان شاء الله!
No comments:
Post a Comment